Þá er búið að hafa samband við allan hópinn og koma út helling af miðum. En það verða Límmiðar til sölu hjá okkur Tröllunum næstu daga. Þetta eru litlir miðar sem t.d er tilvalið er að setja í horn á afturrúðum á bílum. Málið á þeim er 9cm á lengd og 6cm á breidd.
Til að nálgast miða þá er hægt að hringja í síma: 867:5778 = Aggi eða 868-1918 =Elli

Annars þá er það næsta helgi. Er ekki spurning um að ná góðum hóp Norður og taka aðeins á sleðunum.

Það hefur ekki verið mikið skrifað  síðustu daga vegna lítils tíma og mikillar leti en það fer batnandi.

Nú er fimmtudagur og það þíðir að það sé föstudagur á morgun sem þýðir þá að það séu tveir dagar í Laugardag sem þýðir sleðadagur þ.e.a.s ef það er veður og skyggni.

Hér er veðurspá hjá Vedurstofu Íslands
Á laugardag og sunnudag: Hvöss suðvestanátt og él, en þurrt að mestu norðaustantil á landinu. Hiti nálægt frostmarki. Hægari vindur og úrkomuminna á sunnudag.

Menn svo lesi úr þessi það sem þeir vilja sjá.

Er einhver hugur í mönnum eða á að liggja yfir Slednecks og sjá hvernig við getum toppað þá?


Og loksins er Logoið tilbúið, það skýrist betur á morgun hvernig við komum þeim út og hvað þau kosta.

Já þá er helgin liðin, Þetta var mjög góð helgi fyrir okkur Tröllin. Það var ágætis færi en vantaði uppá snjó. Einnig var skyggnið eitthvað að stríða okkur á Laugardaginn þannig að við komumst ekki uppá Steingrím. Í stað vorum við að leika okkur í kringum Hólmavík. þ.e.a.s uppá vatni og í Kálfanesborgonum. Við fundum reyndar þvílíkt púður uppí Ósdal.
Það var einmitt uppí Ósdal sem menn misstu vitið, þvílíkar æfingar að annað eins hefur bara aldrei sést. Við vorum 5 sem fórum uppeftir á Laugardeginum og ég hef bara aldrei séð sleða fara upp eins bratt barð (hengju). Þetta átti ekki að geta gerst og hvernig Skyttan skyldi komst upp það er eitthvað sem við skiljum ekki. Ég spurði Skyttuna nú samt á Sunnudeginum hvernig honum hafði dottið í hug að brjóta hengjuna svona

Og hann sagði: Ég vildi eiginlega ekkert fara þarna upp, en það var bara eitthvað yfirnáttúrulegt sem leiddi mig upp. Kötturinn öskraði sem aldrei fyrr og ég hékk í stýrinu eins og flagg á fánastöng. Og þegar ég opnaði augun þá var ég kominn upp og kötturinn orðin rólegur.

Enn það var ekki það eina sem gerðist þarna uppfrá því um kvöldið þá var tekið aðeins á því og það var eitthvað sem við hefðum mátt sleppa. Því af 4 sleðum þá voru 3 fastir í fleiri fleiri klukkutíma (eða kannski sólarhringa, man ekki alveg). Þetta byrjaði allt vel enn eitthvert kvef hefur verið í kattar-skyttunnu og hann festi sig hellvíti vel. Það er eins og það er að þegar Nonni sá hvernig komið var fyrir frænda sínum þá bætti hann um. Nýja Dragoninum var keyrt varlega inn í hengju svo allt staðið í botn það var ekki fyrr enn sleðinn stóð á Drullusokknum einum að slakað var á. Til að kóróna það allt þá festi Atli sig.

Ég verð eiginlega að þakka samferðamönnum mínum fyrir þessa ferð og um leið segja frá því að ég held að ég losni aldrei við þessar harðsperrur sem ég er með núna, ég get hvorki labbað né setið og hvað þá borðað.

Nei strákar, Monsinn er ekkert að þvælast fyrir. Nú líður að helgi og sé ég á kommentum að menn eru farnir að spá hverjir fara norður og hverjir ekki. Endilega kommentið sem fyrst hvort þið komist eða ekki. Spáin er kannski ekki það besta en hver veit.

Á laugardag og sunnudag:
Norðaustan strekkingur og víða él, en lengst af léttskýjað suðvestantil. Hlýnar smám saman í veðri.
(www.vedur.is)

Svo er það stóra spurningin sem menn hafa verið að velta fyrir sér hér á síðunni síðustu daga, er Aggi búinn að selja, afhverju er hann að selja, á að fá sér eitthvað í staðinn og þá hvað?

Aggi hefur varist allra frétta og hefur ítrekað skellt á síma fulltrúa Strandatröllanna eftir að upp komst að sett hefði verið fram auglýsing á öðrum vef en Strandatröllin ( smella hér ). Heyrst hefur að Aggi sé kominn í bissness og sé stórhuga ( www.aggi.pl )

Komment komment komment...

Jæja félagar, eftir að hafa hringt í Bill Gates, og fengið hann til að opna fyrir þennan "lás" sem hefur verið að trufla okkur, er þjóðsöngurinn orðinn almenningseign :)
Kíkið inn á "Myndbönd" og þar er kvikindið.

Svo er spurning um að þeir sem fóru á Steingrím, eða annars staðar á landinu, kommenti hvernig var. Allar myndir vel þegnar.

Það er bara svona og verður þannig. Nei kannski verður þessu breytt, eða hvað? Hvernig á ég að hafa hugmynd um það, allavegana skil ég ekki þetta nöldur og þessar áhyggjur sem Tónlistarmenn hafa um höfundarréttarlög/pening/stefgjalda rugl í Ameríku. Ef þessir Kóngar í U-S-of-an A eru í vandræðum með það að verja höfundarrétt sinn þá mæli ég með því að þeir kanni hvernig búnað Studio Þjóðbrók er með, þ.e.a.s þeir hjörtur og hann Nonni á berginu er með. Ég hef aldrei sagt, né gefið til kynna að ég sé einhver tölvusnillingur þannig að ég skammast mín ekkert við það að segja að þessi vörn hjá þeim er nærri búinn að buga mig. Ég hef aðeins einn séns eftir þ.e.a.s lokaúrræðið og ef það klikkar þá mun ég lýsa mig sigraðan og skríða aftur inní holuna mína og skammast mín ekket fyrir það. (s.s orðin pirraður). hugsum ekki meir um það

Þessi helgi verður frekar róleg hjá okkur flestum. Enn það eru þeir "hörðustu,, sem ætla að halda uppi heiðri Tröllanna og skunda uppá fjöll og storka veðurguðunnum. Það væri nú fínt að fá fréttir hvernig færið,veðrið,skyggnið hafi verið.

Set inn mynd af nýasta sleðanum í hópnum hér fyrir neðan.Þetta tæki á eftir að taka á því.

Þá er þessi helgi liðinn. Þetta var mjög góð helgi fyrir okkur Tröllinn.  Frábært færi og gott veður.
Það fóru nokkuð margir lítrar af bensoli um helgina hjá hópnum, en hver er að spá í það.

Og loksins er Baráttulag Tröllanna komið inn. Ég setti lagið inní Myndbanda möppuna. Kíkiði á það.

Þá erum við komnir heim en þessi ferð var algjör snilld. Klikkað færi, flott veður og skemmtilegir staðir.
Við vorum farnir af stað um 11:30 frá skýlinu. það voru 11 stk sem lögðu af stað enn 3 snéru við.  Á leiðinni uppá jökul tókum við smá útúrdúr og köstuðum okkur ofaní Hraundal, þar fundum við flottar hengjur og mikið púður, enda vorum við þar í 2 tíma að leika okkur. Eftir nokkrar festur (aðallega hjá Skyttunni) héldum við áfram og keyrðum að Hrollleifsborgum, Reyndar er svo mikill snjór þar að við gátum keyrt uppá Borginnar. Við stoppuðum þar í svolítin tíma enn héldum svo áfram og keyrðum niður á Fossadalsheiði,  sem er fyrir ofan Reykjafjörð "nyrðri,,. Þegar þar var komið var bensol staðan hjá okkur ekki svo góð þannig að við snérum við og vorum komnir niður á Steingrímsfjarðarheiði um 17:30.
Eins og ég sagði hér áður var þetta alveg klikkuð ferð og ég set hér inn 4 myndir frá því í dag en set svo restinna síðar.

Núna er Logoið tilbúið. Það breyttist þónokkuð og erum við orðnir nokkuð ánægðir
Hér er mynd af logoinu

Það verður Pantað á morgun þannig að þeir sem eru ekki búnir að panta geriði það núna

Mynd 1: Þetta er myndin sem verður prentuð. Hún verður samt aðeins löguð áður.

Nr. 1
Það er mæting uppá Steingrím á Laugardag kl 11:00. Þar ætlar Skyttan að vera með grillaðar Pylsur og Svala. Já þið heyrðuð rétt, um að gera að nota púðrið á meðan það er. (Elli)

Nr. 2
123.is er að fokka enn einu sinni öllu upp og þess vegna get ég ekki sett inn Tröllalagið. Alltaf eitthvað bögg.

Nr. 3
Ég fékk uppkast af logoinu frá  merkifyrirtækinu og það var eiginlega ekki nógu gott, þannig að ég sendi það til baka og vill fá betri teikningu frá þeim.

Nr. 4
Heyrst hefur að hann Eddi hafi fest kaup á nýjum (gömlum) sleða. Það ku vera Ski Doo Summit 800. Hann keypti hann til að kanna hvor væri öflugri Skiddinn eða Pollinn.

Jæja þá erum við í Strandatröllunum orðnir 16.  Því nú í dag voru tveir nýjir meðlimir tekknir uppúr Kálfahópnum í Tröllahópinn. Þetta voru þeir Jón Gústi og Örvar Óla. Stóðust þeir Verklega prófið með prýði nú um helgina (Samkvæmt njósnara Tröllana)
Til hamingju með þennan merkilega atburð í lífi ykkar, ég þykist vita að þessum degi munið þið aldrei gleyma.

Aggi

Það er mót í kerlingarfjöllum fyrstu helgina í mars er eitthver áhugi að mæta og láta tröllin skína skært?????

Næsta helgi lítur vel út varðandi færi sýnist mér, aldrei að vita að ég kasti mér af Sjúkrabekknum og upp á heiði.

Í síðustufærslu kom hann Nonni á Berginu með nokkuð góða hugmynd og ég ætla að birta hana hér þannig að allir sjá hana og geta sagt sína skoðun á henni.

En ef það stendur til að fara einhvað sem flestir sem ein liðsheild þá finst mér tvær helgar standa uppúr, Páskar sem eru núna 20 til 24 mars er heppilegur ef veður leifir, og líka með það sama með Hvítasunnuna sem er núna 10 til 12 maí. Þá ættu menn að vera flestir í fríum og bruna sem ein samhent Strandatröll - vélsleða déld Strandamanna, Auðvitað fer þetta allt saman eftir snjóalögum hvernig þaug eru. Eg legg til áður en er farin Strandatröllaferð útfyrir sitt tröllasvæði sem er Strandasýslan í heild, þá legg eg það til ef veður sé gott einhverja helgina nú á næstu helgum að Tröllahópurinn farai til reinslu? allir sem einn, í skemtilega og mjög fallega leið sem er ekki heldur löng, sem eru Reyphólsfjöll og fram á Kollafjarðarheiði og til Glámugömlu þar sem tröllin eiga heima. Það væri gaman að hitta þaug. Þetta er einungis hugmynd að vonandi góðri tillögu sem væri þó ekki meira en að spjalla svolítið um á þrssari síðu Tröllanna. Og ekki væri verra að lok góðrar snjósleðatröllaferðar þegar væri heim komið að hópurinn mundi þá koma saman og borða góðan mat og skála við alla hina og kanski með í endernum að tröllin mundu halda tröllaknall (eða ball). Spjallið um þetta og vitið kvað mun koma útúr þessum pælingum. Allavega finst mér það versta að halda kjafti og að gera ekki neitt.
Kv Jón Halldórsson.

Nú skal segja sína skoðun.

Jamm það var ekkert annað  í stöðunni enn að bruna norður og taka snjólög sjálfur. Það er náttúrulega ekki hægt að hópurinn hafi ekki hugmynd um stöðunna uppá heiði.
Staðan er ágæt, allavegana hefur snjóað nokkuð á Steingrími og færið er víst ágætt (samkvæmt Sérlega Ráðgjafanum) og það á að kasta sér á heiði á morgun.
Ég neita því bara að það snjói ekki mikið í vetur. NEITA ÞVÍ , ef það verður ekki kominn snjór um miðjan feb, þá legg ég til að við leggjum Snjósleðasíðu Strandatröllana niður og breytum því í  Sjósleðasíðu Strandatröllana þ.e.a.s skiptum úr Snjósleðum í Sjósleða.

Svo er það annað að (Þjóðlag-Tröllalag-Baráttulag) Tröllanna hefur verið að pirra mig, og verið með leiðindi. Ég þarf að hitta skáldið á morgun og fá nýja útgáfu af laginu til að geta sett inn á síðunna, vonandi kemur það inn í framhaldi af því.

Hvernig lítur þetta út heima.Það er erfitt að sjá á myndum hjá Vegagerðinni hvernig færið er, þetta getur verið 1.Móða, 2. Þoka, 3. Bylur.  Við hér á malbikinu verðum að fá fréttir, þannig að það verður einhver að taka stöðunna
Mynd úr Vegagerðarmyndavélinni


Ég hallast samt að því að þetta sé samblanda af Byl,þoku og móðu og smá dass af Hagléli