Já eins og flestir vita eða hafa séð þá eru Tröllin í dvala, því nú er þessi leiðinlegi tími (Sumar).

En samt er nú planið að hittast næstu helgi og skipuleggja næsta vetur og fara yfir málin.
Jább hrikalegur fundur verður næstu helgi og er planið að hittast á Café Riis og fara yfir næsta vetur og ýmsar breytingar sem menn hafa verið að ræða um.
Ég hvet alla þá sem eru í klúbbnum að mæta og koma með sínar hugmyndir um það hvernig þeir vilja breyta eða betrumbæta eða bara koma og heyra hvað það er sem við ætlum að gera næsta vetur.

allavegana þau mál sem eru komin núna á dagskrá eru?

Það á að Kjósa stjórn= Formaður,gjaldkeri,vara formaður,vara gjaldkeri,vara vara formaður
Ákvörðun tekin um Ársgjald og einnig kosið um hve hátt það á að vera

Komiði með uppástungur hvað ykkur finnst, en ég tilkynni seinna kl hvað hann verður.

setti nokkrar myndir Og Video af Summardjammborýinu inn en vegna sólar sá ég ekki alltaf á skjáinn á myndavélinni þannig að það eru nokkrar myndir svart hvítar ;-/
Jonni Í Flug Gírnum

Nonni og Benný eignuðust lítinn prins í dag. Tröllin óska þeim til hamingju með það.


Í gjöf ætlum við í Tröllunum að flytja þennan grip inn og gefa þeim þannig að þau geta farið öll saman á sleða. Ekki láta blekkjast því það er töggur í tækinu

Kæru Tröll... og aðrir
Brátt fer viðburðaríkum sleðavetri að ljúka og hefur þetta verið hinn fínasti vetur þótt maður hafi eins og alltaf aldrei komist eins oft á sleða og maður vildi, þó eru undantekningar eins og alltaf. Stundum grunar manni að menn eins og Eddi aka. VSM hafi komið út úr Polaris verksmiðjunum á milli sleða á færibandinu, ástríða á sleðum er ekki mjög algeng eins og hjá honum, en hann hefur sýnt það og sannað að beltisbifhjólin hafa allan hans forgang. Nýjasti fákurinn hans bíður þó sjálfsagt eftir aðhaldi. Sjálfur bíð ég aðeins eftir Aðhaldsbrók í minn Polla, eða keðjustrekkjara sem menn kannast kannski frekar við.

En að öðr, Snjóalög á Streingrími sýna að þar er enþá slatti af snjó, sem þýðir að það er enþá nægur tími til að sinna nauðsynlegum vorverkum, ss. vatnafleytingum og nærbuxnarúntum. Allavega vona ég að ég nái að bæta upp slúttferðina fyrir mína parta sem byrjaði eins og í draumi en endaði með HÖRMUNGUM! ....lýg því reyndar, hefði getað farið mun verr. Fúlt var það samt.

NÝJAR MYNDIR AF SLÚTTHELGINNI FRÁ GUNNA KALLA ERU KOMNAR Í HÚS

Eins og allir á Íslandi vita slúttuðum við Strandatröllin í gær (laugardagurinn 16 maí). Allur dagurinn heppnaðist alveg frábærlega allt frá sleðaferðinni að ballinu, þótt sleðaferðin hafi nú verið mis góð hjá sumum.
Þessi ferð fer allavegana á top 5 yfir dýrustu sleðaferðir hjá okkur. Það biluðu 3 sleðar og einn velti, Pollinn hans Sigga Þórs byrjaði að hósta og láta eins og ALGERT FÍFL, og þurfti Kristján Guðmunds að draga hann heim (legu og tannhjólavesen í drifinu). 10 mínótum síðar sveik Kötturinn mig (mig = Agnar). Var að keyra yfir hrygg þegar gormur í búkkanum brotnaði og kisan lagðist niður eins og laminn kettlingur.
Svo kemur Eddi alltaf sterkur inn. Jú ég held að Eddi hafi sett Íslandsmet um helgina. Hann kaupir glænýjan Polaris Dragon sp 800 (121) á fimmtudeginum og fer á honum á laugardeginum í fyrstu ferðina og Pollinn er úrbræddur eftir 114 km (Þetta hlítur að vera met) Held að þetta sé 3 eða 4 mótorinn sem Eddi kurlar. Enda var kallinn kosinn Tröllið 08-09.
Ég veit ekki hvort ég þurfi svo eitthvað að segja ykkur hver hafi oltið um helgina, Danni heldur fast í vanan (bylta á dag kemur skapinu í lag) en það er nokkuð ljóst að Danni á ringlaðast sleða á landinu.

Golli að afhenda Edda gripinn (Tröllið 08/09)

Eftir sleðaferðina var svo kastað sér á Riis þar sem við héldum okkar gill. Þar var Tröllamyndin 08-09 frumsýnd (sem fer að detta á netið) og kosið um hver tók flottustu myndina og hver tók mest á því í vetur. Eddi (VSM) var valinn Tröllið 08/09 enda búinn að vera alveg magnaður í vetur á sleðanum.
Agnar var svo valin myndatökumaður ársins 08/09.

Nonni á Berginu að afhenda Agnari gripinn (Kodakmaður 08/09)

Eftir verðlaunaafhendinguna borðuðum við lambalæri með öllu hjá henni Báru Karls (Pottþéttur matur hjá henni eins og alltaf) og horfðum svo á Eurovision á stórum skjá.
Kl: 23:30 stég svo leynigesturinn á sviðið og var það engin annar en Nonni okkar á Berginu. Hann reif upp stemmninguna þarna með sínum lögum og hitaði liðið vel fyrir Dj VSM sem tók við dansgólfinu og hélt uppi stuðinu til 03:00

Er að bíða eftir myndum frá Danna. Þessar myndir er frá Nonna á Berginu og þar getiði séð myndir frá ferðinni og slúttinu   -------> http://nonni.123.is/pictures/.

Vill bara þakka mönnum fyrir góða mætingu og frábæra helgi

Já nú styttist í helgina og engin smá helgi framundan. Það gengur vel að klappa saman dagskránni og allt að smella saman..

Málið er að taka daginn nokkuð snemma því mæting í Riis-búð er 16:30. Jú það er bara það mikil dagskrá að við verðum að mæta snemma, enda byrjar Eurovision kl 19:00.

Fyrir slútt ætlum við í eina góða sleðaferð og til að ná góðri ferð í blíðunni þurfum við að mæta nokkuð snemma (ég veit að það hefur reynst nokkuð erfitt fyrir þennan hóp að mæta snemma en nú er lag að breyta Því)   Gauti (Kobbi 1000) situr nú sveittur yfir landakortum og veðurkortum við að finna besta stað til að sjá þennan sólríkadag. Stjórnin sættir sig ekki við minna en 500 km ferð. Vegna óvissu í veðri verður ekki unt að segja fyrr en á föstudag hvert stefnan er tekin né hvenar mæting er.

Ég vill minna menn á að það er algjört MÖST að mæta í þessa ferð.



Svona hefur maður lítið að gera

Nú eru Páskarnir búnir, og maður er að ná sér niður. Samt voru þessir Páskar bara ekki nógu góðir (Veður-séð) Það var eiginlega bara einn góður sleðadagur og hann var mánudagurinn 13. Hinir dagarnir voru eiginlega allir eins. Snjóblynda og skafrenningur. Þótt þeir hafi komið svona út þá gerðum við Tröllin það besta úr þessu. Það voru farnar 5 mislangar ferðar og flestar voru þær mjög skemmtilegar. Við tókum mikið að myndum og mikið að myndböndum. Núna þarf ég bara að liggja yfir þessu og raða saman næstu daga.

Það jákvæða í þessu er að það er nóg af snjó og er enn að bæta í sumstaðar, þannig að þetta er langt frá því búið. Við eigum eftir að gera mikið í viðbót og taka vel á því.

m.a er Slúttið okkar sem við erum búnir að negla niður 15-17 Maí. En það verða frekari upplýsingar um það síðar.

Fórum í ferð í gær, Veigar, Elli og Eddi
Lögðum af stað um 10 leytið og fórum upp hjá Bólstað og keyrðum þaðan í frekar öldóttu færi uppá Hrollleifsborg, það var smá þokuglæðingur á jöklinum en allveg bongóblíða niður við firði, skelltum okkur niður í Reykjarfjöðinn nyrðri gæddum okkur á nesti og skelltum okkur í pottinn og sund.
Svo var ferðinni heitið uppúr firðinum þar sem Eddi lenti í veseni með aftari kúplingu sem á endanum var vegna þess að reim hjá honum fór í döðlur tveim dögum fyrr og var smá afgangur á henni inní kúplingunni, tókum hana í sundur og hreinsuðum og svo var bara keyrt af stað.
Þræddum firðina frá Reykjarfirði að  Djúpavík í flottu færi og með smá leik í hinum og þessum brekkum, Veigari tókst að setja Dragoninn á hvolf í góðum hliðarhalla en var ekki meint af hann er greinilega orðinn eitthvað valtur kallinn.
Skyttan keyrði svo ofan í lækjarsprænu í Reykjafirði rétt við Djúpavík og tapaði nokkrum töppum úr rúðunni hjá sér, en honum var ekki meint af skellinum, undirritaður fór að spá í hvort skyttan héldi að hann væri orðinn að súperman því hann var þannig í loftinu þegar skellurinn kom en sem betur fer þá var þetta ekkert sem smá kaffi og konfekt hjá Evu í Djúpavík lagaði ekki.
Þökkum kærlega fyrir kaffið Það var gott.
Svo settumst við á bak og brunuðum yfir trékyllisheiði í átt að Bólstað og vorum komnir heim um 21:00 og 200 kílómetrar að baki og frábær dagur. Takk fyrir góðann dag og þetta verðum við að endurtaka um páskana og fá góðann hóp með.

Henti öllum myndunum sem voru teknar inn og á eftir að setja nokkur myndbönd

Kv. Veigar

Nú eru Páskar að koma. Páskar eru góðir mjög góðir. Og vonum við að veðrið verði til friðs og svipað og veðrið hefur verið síðustu árin. Síðustu tvo Páska höfum við Tröllin tekið vel á því. Árið 2007 fórum við ferð Norður fyrir jökul.

Árið 2008 var svo farin hellvíti skemmtileg ferð í Norðurfjörð með kaffi stoppi á Melum og svo í Mat á Hótel Djúpavík. Þetta var þrususkemmtileg ferð sem við munum seint gleyma.


Þá er bara spurning hvert verður farið um þessa Páska